[长篇] 送給你的最後一份禮物 25/2 更新

---我們第一年的聖誕節(02)---

這是我第一次親眼看著彤彤彈琴, 琴鍵在她的手指指揮下, 編出一段接一段的動人旋律, 雖然只是一首普通的聖誕歌曲, 卻令我非常陶醉…

那一刻, 我很想像一個粉絲般, 站起來大叫 “彤彤, 彤彤”…

不過, 假若我這樣做的話, 神很有可能會馬上下來 “打救”我…

霎眼間, 我們已唱完詩歌, 然後牧師便帶領著我們祈禱…

這一刻, 坐在琴前的彤彤終於發現了我, 我看見她的嘴巴呈O裝, 應該萬萬想不到我會在這裡吧…

她不能說些什麼, 因為現在這一刻, 能說話的就只有牧師一人…

我知道當其他人都閉上眼, 專心向神禱告時, 彤彤卻只是裝作樣, 目光一直是向著我這一邊…

為了確認她是否在偷偷看著我, 我作了一件事去證實…

我靜悄悄地站起身, 然後在眾人面前送了一個飛吻給她…

我這個舉動, 嚇得彤彤馬上張開雙眼, 手掌向下揮著, 示意要我快些坐下…

我見時間還有很多, 所以多跳了一Part “傑他他舞”才乖乖坐下…

(請不要問我什麼是 “傑他他舞”…)

「彤彤...很痛啊...輕力點好嗎...」晨禱會完了後, 彤彤馬上對我 “家法伺候”, 用力扭著我的耳朵…

「哼, 看你下次還敢不敢…」彤彤看我耳朵紅了一大遍, 才捨得放手…

「不敢了大人, 最多下次我不跳 “傑他他舞”, 改跳小新的 “大象舞” 好了…」我還不知死地說…

「你…」彤彤被我氣得火冒三丈, 然後對我執行著另一種家法…

(過程太恐怖, 請各在腦裡補完就好了…)

這天我認識了很多人, 包括彤彤的媽媽…

我發現, 剛剛給我熱茶的原來就是 “未來岳母大人”…

當然, 還有很久沒見的小雯, 她看到是我, 馬上飛撲了過來…

「阿藍哥哥…」我抱著小雯, 她一臉天真地叫著我。

「嗯? 」我問道。

「聖誕禮物…」她攤開手板, 期待著我會跟聖誕老人一樣, 能立即變出禮物來…

「um…我今天忘記帶, 下次才補送給你好嗎? 」頭大了, 應該送什麼才好呢…

「好, 不過…」小雯欲言又止…

「不過什麼…?」我好奇問道。

「不過…我的生日上個月才剛過, 你要連我生日那份, 也要一起補上啊… 」她吐了吐舌頭, 古惑地說…

聽到她這句說話, 令我想起小時侯的一段回憶…

「爸爸, 你今年還欠我三份禮物, 聖誕節, 兒童節, 還有生日, 你都沒送禮物給我呢…」

「好好, 爸爸明天就三份一起買給你…」

「Yeah, 爸爸萬歲…」

到了第二天…

「好緊張, 爸爸你買了什麼禮物給我…?」

我打開了禮物包, 看到裡面只有一個機器人…

「咦, 不是說好了有三份嗎? 為甚麼只有一份? 」

「阿藍, 這裡的確是有三份禮物的,你看清楚了…」

爸爸把機器人拿了出來…

「這架機器人能分體…阿藍你看, 分開了後有飛機, 坦克和潛艇三個部份, 不就變成三份禮物了…?」

「…………..」

<小時侯, 我們都是這樣被大人騙大的...>

[size=4]---聖誕禮物---

晨禱會過後, 彤彤一家和我, 還有牧師們一起到附近的餐廳用膳。

「啊...我要跟阿藍哥哥一起坐…」我還沒坐下, 雯雯便挽著我的手, 嚷著要跟我一起坐。

從小到大, 我都很喜歡小孩子, 而小孩子也特別黏我。

「咦, 你是彤彤的男朋友嗎? 」點餐後, 坐在右邊的牧師對我問道。

「不是...他是我女兒的 “書友”… 」我還沒說話, 彤彤媽媽便搶著回答。

只是書友嗎…?

「嗯…我是彤彤的同學…」我也只好配合著, 說了這個大話。

其實, 彤彤都有提起過這個問題, 雖然她母親知道我們在拍拖, 卻不想我們在她朋友面前特別張揚, 所以, 當我每次送她回家時, 我們都不會作出任何親密的行為…

因為, 她怕附近的街坊看到後, 會對她母親打小報告…

聽完這番說話後, 面前的咖哩飯再香也好, 我也沒有心情吃下去…

為了討好伯母, 今天的我都表現得特別乖, 在別人眼中, 我表現得跟彤彤的同學一樣, 我也不敢跟她有任何接觸…

到了晚上, 我們去了粉嶺的一間酒樓吃晚飯…

我和彤彤兩姐妹, 特別提早來到現場, 替早已預訂好了的房間添置一些裝飾。

我負責吹氣球, 正好借此來宣洩我內心的不快…

「傻佬…難為你了…」看到我雙頰脹得像雞泡魚一樣, 彤彤也知道我的心情不太好…

「呼…」我繼續吹著氣球, 沒有理會她…

「…小氣鬼, 別氣了, 告訴你一個好消息, 媽媽特許我, 在吃完飯後可以跟你一起出去玩, 玩到天光也可以呢…」彤彤看我沒反應, 便在我耳邊細聲說道…

「砰! 」聽到這個消息後, 我興奮得連氣球也吹爆…

「喂, 阿軒, 我知道你在海洋公園啦, 你幫我打給你朋友, 替我在尖沙嘴那間Neway Ceo訂間房, 我大約十一點到, 就這樣啦…」我馬上撥了電話給阿軒, 請他幫我這一個忙。

我那兩份禮物, 今晚可以大派上場了, Yeah!

這晚時間過得特別慢…

吃飯期間, 有一堆天才表演…

到了十點, 正當我以為快完結時, 原來還有大抽獎等著我…

諷刺地, 一心想快些走的我, 卻贏得當晚大獎-多士爐一個…

我馬上借花敬佛, 把這份 “大獎” 送給了彤彤母親, 她看起來顯得也十分高興…

飯局一完, 我和彤彤跟其他人道別後, 便前後腳離開現場, 然後手拉著手, 一起走到火車站裡去…

在往尖沙咀途中, 我靜靜地從我的百寶袋裡, 拿出了一樣東西…

「來…快張開嘴巴…」我在她耳邊說。

彤彤很聽話, 馬上照著做…

「嘩, 很…甜啊…」彤彤用手掩著嘴, 口齒不清地說。

嘻嘻, 當然甜啦, 這可是新奇士橙呢…

本來在早上, 我家中拿了一個橙想當早餐, 可是一直都在忙, 沒有時間吃, 現在可以大派上場…

我偷偷地在袋中剝著橙皮, 然後把橙肉一塊接一塊餵到彤彤的嘴裡…

吃完飯後果, 我們便到了目的地…

幸好阿軒認識這裡工作的人, 否則我也不能在這天預訂到房間…

可是…

「喂…你們干嗎也來了…」看著面前的兩男兩女, 我不其然地說。

「來跟你慶祝聖誕節啊, 你不會重色輕友吧…」蕉仔看著我, 笑騎騎地說。

唉…我原本想二人世界的, 現在也不能了…

我再次見到公主, 和上次不同的, 是現在我跟她身邊, 都有著自己的另一半…

我對她點了頭, 然後就再沒有跟對方說話…

熱身一輪後, 我為彤彤獻上了第一份禮物…

我點了一首歌, 然後拿起米高峰…

「彤彤…這首歌是我送給你的…」我對著彤彤說。

場上的目光也突然全集中到我身上...

彤彤一臉疑惑, 好像猜不到為甚麼我要送 “無賴”  這首歌給她…

一分鐘後, 她知道了答案…

在跟彤彤一起前, 我說過遊覽過她網上的日記…

在其中一篇日記裡, 她貼了一首改編自 “無賴” 的一首歌, 還在日記上說過她很喜歡…

這首歌的歌名…叫 “傻豬”…

「最愛的可會知 一生中是誰…來讓我去答覆, 是得你絕對…像對鴛鴦很登對, 就算辛苦太累…亦要去一起戲水…」當我唱到這裡時, 彤彤已知道是什麼回事, 馬上拿出她的電話開始錄音…

「傻瓜的我最喜歡傻豬…若病了我要你聽聽話…食藥與睇醫生了嗎 , 請你要調查…讓你睡了我先會訓 , 請不要怕…」這一刻, 我不管我有沒有走音, 也不管其他的目光, 因為, 我眼裡只有彤彤, 而彤彤的眼裡也只有我…

「從天賞賜你這小明星…孕育了我倆的小生命…六十歲婚姻不變改 天天也動情…上帝為我倆都作証, 一呼百應…」這首歌, 到這裡完結…

在我打工的日子, 我每天都苦練著這首歌, 而我的Ipod裡, 也只播著無賴這一曲…

雖然過程很緊張, 可是看到彤彤臉上滿溢著幸福, 我知道我的努力, 並沒有白費到。

驚喜一浪接一浪, 當彤彤在我肩上流著幸福的淚水時, 我拿出收藏在褲袋已久的第二份禮物, 並偷偷為她戴上…

「傻豬, 祝你聖誕快樂…」說罷, 我在她額頭上親了一下…

幸福, 充溢著這房間…

<傻瓜的我最喜歡傻豬…>

在此貼上當年的兩份禮物...

調寄:無賴
新詞:傻豬by孤泣

最愛的可會知
一生中是誰
來讓我去答覆
是得你絕對
像對鴛鴦很登對
就算辛苦太累
亦要去一起戲水

我喜歡講笑話
當中很肉麻
其實你也愛聽
會心笑是嗎
就算死都不可怕
在我心的說話
見少一秒心掛

舊日難成大器變得很細微
睇過戲飛都儲起
時常如大小姐都會就你
甘心去為你死

[閒聊時激嬲你
我說聲傻豬
又在唱歌
又會講故事
敘述角色中痴漢子
公主倆相遇
奉上熱愛介不介意

傻瓜的我最喜歡傻豬
若病了我要你聽聽話
食藥與睇醫生了嗎
請你要調查
讓你睡了我先會訓
請不要怕]

自制不可再玩
都不可亂行
原諒我太口花
現改變習慣
為你返工不偷懶
沒有一點怠慢
只想得你稱讚

事業如能步上
你永不會捱
跟我你應該了解
無論捱盡苦
只想你愉快
識到你學會乖

repeat [ ]

從天賞賜美滿的人生
若沒有你我變得不幸
但願有一天終結婚
給到你安定
在姓氏你會跟我姓

從天賞賜你這小明星
孕育了我倆的小生命
六十歲婚姻不變改
天天也動情
上帝為我倆都作証
一呼百應

------------------------------------------------

第二份...

Made by Ernest & Jones

---------------------彤彤日誌-------------------------

Tuesday, December 20, 2005

呢幾日都好busy...所以冇咩點陪傻佬...真5好意思ar!


Thursday, December 22, 2005

終於放聖誕假la...好野...可以同傻佬一齊過...我等左呢日好耐la!!!(wakaka...4個月la)..我相信實會好開心!

---Curry Chicken---

這一刻的彤彤, 已在我肩膊上哭成淚人, 雖然我說過一個男人讓女人流淚是一件很丟臉的事, 可是這次她為我所流的, 是幸福的淚水。

「老公, 我想走…」這是彤彤第一次這樣稱呼我…

「傻豬, 你想睡了嗎? 」我攬著彤彤, 在她耳邊問道。

「我想找一處寧靜的地方, 跟你在一起, 只是這樣而已, 好不…好…?」彤彤在特意把最後一個音拉長, 撒嬌地說。

所謂英雄難過美人關, 彤彤現在說什麼我都會說Yes …

跟阿軒他們說了我和彤彤要先回去後, 我放下我們兩人份的錢, 然後牽著彤彤的手, 一起離開這裡…

「傻佬, 這夥鑽石是真的嗎…?」她小心摸著頸前的心形吊墜, 對我問道。

「對啊, 雖然應該只是D或 E class, 但是的而且確是真的鑽石呢! 」對於吊墜的真偽, 我是相當有信心的, 畢竟是自己辛辛苦苦打工得來的, 我不可能會買錯假貨吧…

本來, 我們想從KTV走到海旁去, 可是海旁實在太多人, 根本擠不進去…

所以, 我們選擇去了另外一個海旁, 就是沙田大會堂外對出的那個 “海”…

我們找了一處沒有人的位置坐下, 我很記得, 彤彤有一大遍空位不坐, 卻死要坐到我的大腿上…

處於熱戀期的我們, 就是這樣形影不離, 連稍微分開也不太願意…

我們做了什麼? 當然是一般情侶會做的事, 就是玩玩手指, 數數星星(我這樣說有人信嗎…?)

我很記得, 彤彤當時要我教她實用英語, 什麼英語最實用? 當然是粗口啦…

我將彤彤想知的每一句髒話都翻譯好, 彤彤聽到後便馬上用電話記下來, 說回家時要好好 “溫習” 一下…

我還記得, 我在國外的朋友都經常要我教他們中文, 不過他們只想學如何用中文問候你的娘親, 所以我不會教他們, 免得我娘會被問候…

「老公…」

「嗯? 」

「你聽聽…」

彤彤按了一下電話, 電話裡傳出我剛才的歌聲…

我覺得自己唱得非常難聽, 所以想把電話從她手上搶過來…

可是, 彤彤坐在我身上, 令我不能發力, 只能任她魚肉…

「謝謝你…當我寂寞時, 我就會拿出來聽, 聽你這個傻佬的歌聲…」她說完親了我一下…

我們就這樣一直靜靜地坐著, 一直到天光…

時間, 永遠都不夠, 我們都很想每天跟對方在一起…

「老公…」

「Yes? 」

「下星期, 我們去camp camp好嗎? 」

這晚, 我從彤彤身上, 學會了烹調印度名菜的其中一種…

<今年的平安夜, 過得特別平安...>

[隱藏]
---日誌---

Sunday, December 25, 2005

琴晚係平安夜..呢日我過得好平安..因為老公成晚係我隔離..首先我地去左唱k,食飯, 去左tst(被封鎖,入5到,真掃慶)..我地去左好靜ge shatin拍拖...好thz老公份禮物同教o左我一d 5等用ge Eng!!!

呢篇係唔關我同彤彤事既一章, 所以我用返口語去打

因為人物係屬於第一部所提過既人, 所以無興趣既讀者可以skip左呢章, 有興趣既, 可以係第一部搵返以下既人物...

---外篇01-有人歡喜有人愁---

係同彤彤一齊左之後第一個聖誕節, 有一日, 當我送完彤彤返屋企, 轉戰旺角時, 我收到一個電話…

「喂? 」

「係我…你可唔可以幫我打比白羊座? 」

打比我既人原來係無見好耐既小詠, 佢喊晒口咁, 一定係有事發生左…

「好啊, 不過你地做咩事啊, 佢唔聽你電話? 」我係故事有提及過, 白羊座同小詠係識左對方一個月後, 就一齊左, 之後兩個人sweet sweet就緊係無理我啦, 所以我先會遇到蕉仔同阿軒, 再由佢地識到彤彤…

「…」小詠淨係識喊, 無答到我。

「好啦, 我依家call佢, 你唔好喊喇…」我安慰完佢, 之後打左比白羊座。

出奇地, 佢無選擇到唔聽我電話

「喂? 」

「白羊座, 係我呀, 你同小詠搞咩呀, 搞到佢喊晒口, 人地女仔黎架…你tum返佢啦…」

「哼, 我地既野你知d咩, 唔講喇, 我返屋企, 有咩野唔好搵我…」佢完呢句就cut左我線…

頂你個肺, 你依家咩野態度…

唔理咁多, 我打返比小詠先…

「佢…點講? 我打左好多次電話比佢, 佢都唔肯聽我電話…」佢都係喊住口咁講…

「算吧啦, 你唔好等佢喇, 佢依家返緊屋企…」

「…」小詠無講野, 但係我係電話到聽到地鐵站既廣播聲…

「你係地鐵站? 我過黎搵你好唔好? 你係E出口果間7-11等我啦…」我地話晒係朋友, 無理由要佢自己一個女仔係到喊…

同阿軒佢地講左聲之後, 我就去左搵小詠…

我再次見到佢時, 佢比我既感覺已經唔同左好多, 個人明顯惟悴過之前好多…

我帶左佢去附近既許留山, 比左包tempo比佢, 等佢擦乾眼淚, 然後慢慢講發生咩事…

件事係咁既…

白羊座係溝小詠之前對佢千依百順, 小詠先將自己個心交比佢…

但係, 一齊無幾耐之後, 當白羊座得到佢既 “身心”後, 白羊座對佢既態度立即180度大改變…

依家佢地既角色倒轉, 小詠咩都聽晒佢話, 要佢去邊就要立即去到, 不得有誤, 只可以佢自己遲到, 小詠遲到既話就會媽叉佢一輪…

咁都算啦, 因為白羊座係佢既初戀, 所以小詠盲目咁去忍, 咩都就晒佢…

到左今日, 本來係佢地係埋一齊既第5個月記念日, 所以小詠叫左佢出黎食飯, 但係白羊座唔記得不突止, 仲要老屈小詠, 要小詠請佢食飯…

咁小詠都無所謂啦, 揀左去 花X餐廳到食西餐…

點知, 條粉腸去到就話:

「吓, 乜你帶我黎呢到食飯? 呢到咁cheap, 你想慳荷包咪出聲囉…」

咁小詠就同佢講, 佢無咩零用錢, 等佢遲d做part-time果時再請佢食餐好d既, 叫佢依家忍耐下啦…

白羊座無理佢既感受, 繼續一路食一路 “衣牙鬆鋼”, 比好多說話小詠聽…

咁小詠女仔一個, 比人咁樣話法, 唔喊就假啦…

條粉腸見到佢喊, 又借d意借題發揮, 話你咁委屈就唔好食, 分手啦…

跟住佢就無比錢走左出去…

小詠埋完單, 發覺佢已經走左唔知去邊, 打電話比佢又唔聽, 所以就醒起我, 叫我幫手搵返白羊座…

其實, 小詠自己都知, 白羊座得到佢之後就唔再重視佢, 成日想借d意講分手…

但係, 佢畢竟係小詠既初戀, 咁佢又點捨得放手, 所以小詠經常做埋好多有心思既事tum白羊座開心, 例如成日山長水遠, 搭個幾鐘車入去陪白羊座食飯, 食完就自己一個人孤伶伶咁返去…

小詠認為自己對白羊座好d, 咁佢就會打消分手呢個想法…

小詠係好傻, 但試問, 有邊個女仔未試過對自己第一個所愛既人, 做出呢d傻事?

我聽完成個故仔之後 , 好鬼激氣, 激到連面前果碗芒果撈野都淨係食得一半…

我拎起電話, 再一次打比白羊座…

<待續…>

回复 39# Yuriko_娃娃
更新了，很多一下哦。。补回上星期的

本帖最后由 boonteong 于 2011-9-16 09:03 PM 编辑

回复 40# 新之猪
更新了更新了

---外篇02-兄妹---

「又點呀? 」知道又係我打黎, 白綿座好唔耐煩咁同我講。

「喂, 你有無搞錯呀, 賴低自己女朋友係街, 自己就走返屋企, 你係唔係男人黎架? 」佢咁既態度, 我都唔需要同佢客氣。

「你都識講啦, 果個係 “我” 女朋友黎, 我點對佢, 又關你咩事呢…?」

一時之間, 我無言已對, 佢講得啱, 我又唔係小詠既邊個, 佢地兩個d野, 我的確無權插手…

「無野講呢? 阿藍, 我之前都同你講過, 女姐, 食完咪算囉, 我地咁後生, 又何必為一條女而箍死自己呢, 係唔係先…?」

「如果你鐘意佢既話, 咪上佢囉, 我唔mind架, 不過, 唔好再為呢條女而傷左我地既感情, ok?」

「Sorry, 我諗我地以後都無朋友做, 我地既觀念完全唔同, 我唔會再搵你, 希望你都唔好再搵我…」我講完呢句之後, 就cut左線…

「佢…係唔係唔會再返黎…?」小詠聽到我最後呢句, 都知白羊座呢個浪子唔會回頭…

我無奈咁點頭...

「我…真係好傻, 點解果時我會出左黎見你地, 如果唔見你地, 我就唔會比佢hurt得咁深, 你話, 我到底做錯左d咩? 我咩都比晒佢, 佢想點我都就晒佢, 佢仲想我點…你答我呀…」小詠講下講下, 諗返起自己同白羊座一齊既辛酸, 又再忍唔住喊左出黎…

「…sorry…」我唔知自己做咩道歉, 因為好似都唔關我事…

不過, 如果我當日唔係傻下傻下應承白羊座, 出黎同佢地睇戲, 咁小詠都唔會出黎, 更加唔會識到我地…

「你知唔知, 我爸爸媽媽本身已經關係唔係咁好, 成日鬧交, 日日搞到家不成家咁, 所以我希望我以後同我男朋友恩恩愛愛, 唔好學佢地咁,日日都鬧到拆天…」係我自責緊自己既時侯, 小詠再飛多個炸彈比我…

「今日, 本身係我同佢一齊左五個月既日子, 我特登早d同屋企人食飯, 咁就可以同佢夜晚一齊慶祝…」

「係屋企食飯果時, 佢地又因一d小事而鬧交…爸爸佢仲嬲到反枱…d碗碗碟碟跌到碎晒, 一地都係, 而媽媽唔開心果時, 就淨係識飲酒黎麻醉自己…」

「我逐d逐d執起地下d碎片, 執到最後, 發覺自己隻手流晒血, 我都無喊, 因為我知道自己一陣就可以見到自己愛既人…」

「我無將呢d事話比佢聽, 因為唔想佢擔心…點知…點知…」

「我好辛苦, 點解係屋企無人錫我, 連我既男朋友都唔要我, 點解…點解呀…」

「唔好咁…我知你依家好唔開心, 所以, 你就盡情喊, 將d唔開心既事喊晒出黎, 咁你喊完就會舒服d架喇… 」我比多包tempo小詠, 等佢盡情咁喊…

「多謝你…我依家舒服好多喇…阿藍, 你真好, 雖然我有一個親生哥哥, 但係我同佢一d交流都無, 如果…如果你係我哥哥既話, 你話有幾好呢…」小詠喊到眼都腫埋, 但係喊完後, 明顯無咁唔開心…

「唔緊要呀, 咁以後, 我就做你哥哥, 好似哥哥一樣咁對你, 好唔好? 」唔知係因為出於自責定係真係想有個好似小詠咁既妹妹, 我突然間有呢個衝動, 想認佢做妹…

「…哥哥…」小詠叫左我一聲…

就係咁, 係呢一日, 我認左小詠做我妹, 雖然好似好兒欺, 但係我地呢六年一直都係以兄妹相稱, 感情都好似兄妹一樣, 咩都同大家講…

但係, 正因為我地呢段兄妹關係, 做成左日後我同彤彤既一條導火線…

<可能待續…>