JBTALKS.CC

标题: 名字的笑話 ( 粤語 ) [打印本页]

作者: 老頑童 时间: 2012-8-23 06:14 PM
标题: 名字的笑話 ( 粤語 )
兩父子，阿爸叫李傑, 個仔叫李仲傑。

三兄妹；游詠富、遊詠依、遊詠慈".. 游世伯，咁大整古呀!

港人去台灣某銀行兌換台幣...
看到職員櫃面個名牌寫住"吳曉郁"
一行六人沒一個能忍住笑....

還有,有沒聽過人叫陸浩昌? 伍浩昌?
"陸浩昌先生, 請即到5號窗; 伍浩昌先生,請即到6號窗!"

吳潔芬, 唔......新時代女性，一於同居算數。

“搵邊個？…”公寓清潔阿嬸見電話鈴響，拿起大聲問。
“ 尹小姐”一位男士在電話中答。
“呢度冇小姐搵！”阿嬸怒吼，放下電話又加一句“死麻甩咾！”
電話又響。阿嬸拿起聽。是另一位男士打來…
“我搵李潔芬！”
“啋！我都快60了，仆街仔！行開！”阿嬸再吼。

知不知道「費」字如果做姓氏時讀「秘」音。
差人：差人查身分證....叫咩名.....
路人：費密(秘密)
差人：差人做野呀.....咪玩la.....
費密：都話秘密咯......
差人：仲玩？！阻差辦公呀.....拎身分證黎！
費密乖乖畀身分證差人.....
差人：哦....原來系費密(廢物)丫?
費密：唔系呢...系費密(秘密)丫....
差人：費密(廢物)就費密(廢物)la...秘乜鬼密丫..神神秘秘咁。
A:你叫咩名呀?
B:鍾定英(中定英?)
A:中文啦
B:鍾定英呀~~
A:咁英文啦~~
B:Chong Ting Ying
A:................

“請問貴姓名？”接聽電報名的職員問對方。
“吳勝良。”
“唔姓梁咁即係姓咩嘢？”
“姓吳。”
“仲有呢？” 填下姓之後，職員繼續問對方名。
“勝良。”
“咁你又話姓吳？混吉！你究竟邊個？”
“吳勝良囉。”
“……”職員暈倒。

兩位醫生參加野營接受分派帳篷
姓藍的女醫生及姓吕的男醫生聽到“男醫生睡8號帳篷”
於是兩醫生一同走向8號帳篷
結果因錯而喜，兩人假期愉快

作者: jeff_yek 时间: 2012-8-24 12:42 AM
笑死我。。。。

欢迎光临 JBTALKS.CC (https://mobile.jbtalks.cc/)